وقفت حداهم و بقيت كنشوف, الحاجة الوحيدة لي طاحت فبالي هيا نشركهم كاملين و ندفن دين مهم فالحفرة ... كي غادي ندير هوما ثالثة و ديب... و غير واحد فيهم بوحدو فيه 10 ... حطوا الصندوق و بداو كيمسحوا فيه و فواحد الجو ديال الهيستيريا فحال لي لقاو دوى الموت ... أول حاجة جرني لقرع فرحان بغا يعنقني دفعتوا ... شد فالقفل و قالي بزق عليه ... تما عرفت بلي كلشي فيدي أنا اال مبغيتش غادي نخسر ليهم لبالن كامل ... قتليه ال مغندير والو تا تقولولي شنو واقع هنا ... بقا كيغوت : ماشي وقت الشرح هادا دير لي قتلك , فدك اللحظة كنت كندور فجنابي كنشوف اينا طريق غادي نشد اال بديت الجري ... شفت راسي حاصل و مبقالي تا حل من غير نمشي معاهم فالخطة ديالهم ... وقفت حدى الصندوق و بقيت كنتسنا لقرع يقولي شنو ندير ... الصندوق واخا كان موسخ و كامل تراب و لكن كان باين فوسط منو كنز , غير من الزواق و النحاس لي كان فيه عال برى ... قالي بزق عال القفل بزربة مبقاش الوقت ... شديت لقفل فيدي و أول حاجة الحظتها , هيا بلي مافيه تا شي بالصة د ساوروت ... بزقت عليه جوج مرات و موقع والو ,,, قالي صافي حبس و نوض فحالك . انا فدك اللحظة عاد حسيت بلي غنبدى فالمعقول و بلي هادشي غير تسخينات , رجعت اللور جا يوسف بغا يفتح الصندوق مخالهش لقرع قاليه : ال متقيصوش ... ماشي هنا , بقيت واقف مفاهم والو ... جمعوا هوما داكشي كامل و قالولي زيد فحالنا , فين ؟ نفس الجواب بال متسول ... لقرع و يوسف كانو هازين الصندوق و حاطين فوق جوج صنادق األخرين ... و خيي الضخم كان هاز الخنشة عال كتافو و جار الديب , مشينا تقريبا شي نص ساعة تا وصلنا لواحد لبالصة نحلف عليها عمر بنادم موصل ليها ... وقفنا و بقا يوسف كيتصنت , شوية حنى لألرض و حيد واحد لغطى مكنتش شايفو أصال ... طلل فيه و ضوى بالبيل ... عرفتو بير , أواه شنو كيدير بئر فوسط هاد لخلى ؟ الديب لي كان فاليد دياال خيي فدك اللحظة بدى كيغوت و مواله كيحاول يسكتو ... طللت أنا فالبير و رجعت بانلي غارق بزاف , " حيد حوايجك " سمعت هاد الجملة و معرفت شكون قالها ... درت عند القرع و قوتليه واش معايا ؟ قال أه معاك ... حرشت معاه الهضرة قتليه كيفاش عوتاني حيد حوايجك ؟ نقز يوسف قبل ميهضر قلبت فيه قوتليه دخل سوق كرك نتا بالتي , لقرع بدى كيرطب معايا الهضرة و قالي را ميمكنش تهبط بحوايجك ؟ بالتي بالتي بالتي ... كيفاش نهبط ؟ واش باغين تهبطوني للبير ؟ ال ال ال مالكم مراض وال ... ملقيت كي ندير نوصف ليكم داكشي لي حسيت بيه دك الساعة ... حيت المنطقة ديال الشعور فالمخ كانت معندها فين تزيد , النفس وليت كنطلعها بالعداب ... قالي بلي معندي تا خيار من غير هادا و بلي اال تراجعت فهاد اللحظة عمري ال عاودت شفت الضو ديال سيدي ربي وال كليت النعمة , صافي وصلت للفينال ؟ , صافي مغانعاودش نشوف ميمتي ؟, مغانعاودش نشوف راسي فالمراية ؟ عندي ختي عمري عنقتها عالش غنموت دابا ؟... مغنعاودش نشوف الضحكة ديال الدراري صحابي منين كنت كنعاود ليهم النكت ... عالش مكتابلي هاكا ؟ بغيت غير نشوف ميمتي أخر مرة ... نشم الريحة ديال شعرها:( نبوس يديها لي عمري بستهم :/ نطلب منها السماحة عال أي مرة صوتي عال فوق صوتها ... عال أي مرة كنت كنت كنبكيها ... عال الزبل لي مكنتش كنبغي نخرجوا هههههه :/عال الوقت لي مكنتش كنبغي نمشي للمدرسة ... عال 9 شهور لي عدبتها معايا منين كنت فكرشها :/ عال والو ... عال كلشي
