وقفنا شوية و بانتلنا جاية و ضربت واحد لفران فحال لي معصبة حيت رجعها من الطريق و خسرلها لبالن ... قالها باها شنو قولنا أسارة ؟ دار لعندي و قالي مكمالش شهر باش قلبت رينج إيفوك ديال ماماها ... بقيت غير كندور فعيني ! كيفاش هاد خونا غير دجال و داير هاد لفلوس كاملة ؟ نزلت و قالت ليوسف طلع القدام حدى بابا خليني أنا نركب حدى البوكوس ! أنا فهاد اللحظة تلفت ... هاد لقالوي محشمت ال حدى باها ال والو ! ركبنا ... زادت الطوموبيل منين كلست حداها رجعات عوتاني كتحنزز فيا ... أنا متسوقتش و الواليدا كتصوني وأنا مباغيش نجاوبها حداهم ... وصلنا لواحد القهوة ! و حنا بنادم عندنا شوية مريض و الناس لي كانو معايا باينين ماشي والد لبالد ... كلسنا و هوا يعيطلي واحد السيد بوليسي كنعرفو ... بغا ياخد الدوسي ! قالي شكون هادو لي معاك ؟ زبرت عليه و قوتلو بلي غير من العائلة عايشيين فالخارج و جاو عندنا ... رجعت عندهم لقيت البنت كالسة بعيدة بوحدها و شاعلة كارو ! لقهوة كاملة كتفرج فيها حيت نادرا مكيشوفو بنت كتكمي فحال شي بطريق كيشطح الشعبي ... كلست و بدينا الهضرة و لقرع كان كيقولي شي حوايج فحال لي كيقولي الموت" كتسناك أولدي " فأالول كان كيسولني غير على لكتاب و األغلب ديال األسئلة عال واحد الجزء ديال الفلكيات ... أنا كنت فواحد الوضع فحال األعمى فسينما ! أي هضرة خصني نتبعها ! لقرع كان كيفرح منين كيلقاني فاهم شي حوايج ! و فنفس الوقت كيحاول يبين راسو مخلوع باش تانا نتخلع ... و لكن كان فات الفوت ! كنت تعديت المرحلة ديال الخوف وليت خصني غير نرتاح ! بدينا كنهضروا و يوسف كيحاول يتدخل فالحدود الدينية ... فاألخير و فوسط الهضرة قالي لقرع : أشرف مابقى ميتخبع ... اال بغيتي تسالي هادشي ! خصك تحط 25 مليون ! أويلييييييييييييي ... شداتني الضحكة و غوتت تا القهوة كاملة سكتت 25 مليووووووووون ! منين غتجيني ؟ قالي بلي هوا غادي ياخد منها غير 10% و بلي الفلوس كاملة غتوهب للجواد ! أنا أول حاجة طاحت فبالي هيا بلي هادا نصاب و باغي يضرب لفلوس و يغبر منعاودش نشوف كمارتو ... هاي هاي هاي ! الجنون و وليت معاشر معاهم و دابا غيجي عروبي و ينصب عليا ! قلتلهم بالتي واحد الدقيقة ! خرجت برات القهوة و أول واحد فكرت فيه هوا موحا ... تيليفون طافي شهادشي عوتاني ؟ عيطت للواليدا ! فأالول قاتلي فينكم نجي عندكم ؟ من بعد شرحتلها الوضع و قاتلي نبيعوا الدار و نعطيوهوم لي بغاو ... أنا مكانتش دخاللي لراسي هاد القضية ! رجعت عندهم و قلت ليهم بلي 25 مليون مستحيل نحضرها واخا نبيع كلوتي ! دار لعندي يوسف و قالي بلي بقا عندنا حل واحد ... تعطيه لكتاب ياخدو ! أنا فالبالصة وافقت و قلت لكتاب مساوي تا لعبة غير يربحوا بيه ! و لكن عاودت قلت مع راسي أوااااااااه من 25 مليون وال طامع غير فالكتاب ؟ ال هادشي مكيدخلش للعقل ...فهمت بلي داكشي لي فالكتاب ولي شافو يوسف دك المرة و صوروا ساوي كثر من 25 مليون ... و لكن أنا كنت مبين ليه را موافق عال كلشي ! ناض لقرع قالي يااله فحالنا را تابعانا الطريق ... أنا مفهمت والو ! كيفاش الطريق ؟ شرحولي ؟ قالي من دابا الفوق أنا مجرد عبد مأمور اال بغيت نبقى عايش خصني نشد فمي و نفتح عيني و وذني ...و لي طلبات مني خصني نديرها ! و قالهالي بكل برودة" إال موتي سمحلنا اال عشتي مرحبا بيك معانا ههههههه " أنا كنت كنتصور األمور بسيطة ! غادي يعطيني ناكل شي حاجة و يرش عليا و يقولي نوض عال سالمتك راه مغادي يبقى فيك والو ... و لكن خسارة األمور كانت أبشع من التصورات ديالي ! و صلنا للدار وقالولي نلبس حوايج فالبيض و نقطع األظافر ديالي ... دخلت تقريبا شي نص ساعة و خليت الواليدة فالباب كتهضر معاهم ! هبطت و عمري ننسى الطريقة لي عنقاتني بيها ميمتي أول مرة كتقولي " كنبغيك أولدي" واحد المنظر عمري ننساه فحياتي ! شفت فيوسف لقيتو كيبكي ... حسيت براسي فحال شي واحد غادي يتعدم ... لواليدا و لقرع معرفتش عالش هضروا ! و لكن المفهوم هيا أنها متقدرش تمشي معانا :/ باستني و مسحتلي الدموع و عطاتني 1000 درهم فيدي ! مقالت تا كلمة ... شدت الباب و هيا كتشوف فيا ! مع أول خلفة سمعت واحد الغوتة ... حلفت بأعز معندي تا نفضل الموت و منعاودش نسمع فحالها بغيت نرجع و لكن مخالونيش ... حسيت براسي هادي أخر مرة غنشوف فيها وجه ميمتي ...
