كل خلفة كنت كنزيدها كنت كنقول هادي أخر مرة غنشوف فيها هاد لحيوط ... غنسمع هاد الصداع ... وال غنشم هاد الريحة ... وصلنا للطوموبيل لقينا دراري صغار مجموعين علينا ... قليل فين كيشوفو طوموبيل فحال هادي فالحومة ,,, شافوني و هوما يفرحوا ... حيت بحكم الخدمة ديال الواليد كان كل مرة كيجيب حديدة فشكل ... أنا منين كنكون نشطان كنجمعهم كاملين كنضرب بيهم دورة ونرجعهم ... سحابلهم تا دابا غنركبهم و انا براسي غنركب و معارفش فين غنمشي ... خرجنا من المدينة وتا واحد متكلم ... أنا غير كنشوف الناس و الطريق كلشي زربان كلشي باغي لفلوس شي فرحان شي كاعي ... باقي عاقل كان مطلوق الديسك ديال الطالياني " لي عندو الحبات " دك األغنية بتحديد عندي معاه تاريخ ... سولت يوسف واش غندوزو مور موحى ؟ قالي هوا غادي يتبعنا غدى للبالصة فين ماشين ... قوتلو فين ؟ قالي دابا ماشي مهم تعرف ... حسيت براسي فحال شي واحد مخطوف ... غير غادي و حاضي الباليك باش نعرف روحي فين أنا ... شوية مبقا كيبانلي والو ... بدى لقرع كيسول فيا معرفتش كيفاش عمري فكرت نسولو عال سميتو ... بدى معايا القصة من األول و عاودت ليه كلشي مخبعت عليه والو ... منين عاودت ليه شنو وقع مع بهقاء ... قالي شي حوايج فشكل ,,, خصوصا منين قالي ليوم أنتالقاوهم ... شكون هوما ؟... مفهمت تا حاجة من هضرتو ... أصال كنت مخلوع من بنتو سارة ,,, كدير شي تصرفات ماشي طبيعية ... حسيت بيها مريضة كثر مني ... يوسف كان كل مرة كيدور يشوف فيا شي شوفات فشكل ... جانا جوع كاملين فواحد اللحظة ... حبسنا فواحد الفيالج فطريق فيه الشوايات و اللحم و الدخان ,,, قلت هادي هيا الفرصة فين نسول شي واحد عال لبالصة لي حنا فيها ,,, و لكن من اللحظة لي هبطت فيها من الطوموبيل و يوسف الصق فيا ... مخالني نتحرك تا لبالصة ... تما توضحت الصورة و فهمت بلي مخصهمش نعرف راسي فين ... جاو غير معايا أنا ,,, واخا ... كلسنا منين جا السرباي و حط الماكلة زربت عليه ... قلت ليه مرحبا بينا عندكم ف ... و سكتت , تا هوا مكانش من العاكزين قالي مرحبا بيكم عندنا فتاوريرت ... مكلخ را بغينا نعرفو المنطقة ... مهم مشا فحالو و هوما بقاو كيشوفو فيا فحال لي كيقولو فخاطرهم وااا مطور هاد خونا ... نضنا نمشوي فحالنا تميت غادي نخلص داكشي لي كلينا ... شاف فيا لقرع قالي فين غادي ؟ قوتليه نخلص ... قالي رجع اللور أنا مكنخلصش ... كيفاش هادشي عوتاني ؟ خرجنا سلم عال سرباي و زدنا فحالنا ... مخلص تا فرنك , و كنا واكلين شي 400 درهم ... تما عرفت هاد لقالوي مجهد و خصني نجمع راسي معاه ... مشينا و كلسنا فطوموبيل و بقينا كنهضروا ... بنت لقرع فدك اللحظة شوية طلقت راسها ... و بدات كتسولني شنو سميتي و فين كنقرى ... ظريفة ماشي فحال مابنتلي فاألول ... و زوينة غير هيا الطريقة ديال المكياج لي دايرا و التصرفات كيخلعوا شوية ... فيما كنت كنسولها عال باها وال عال شي حاجة من هادشي كانت كتقلبلي الهضرة ... بقينا شي ساعة و فيما كنسولهم شنو كنتسناو كانو كيبانو معصبين ... الهدرة لي كتعاود : صبر بال قوة األسئلة هادشي را كامل عليك ) فاألول تانا هادشي لي كان كيسحابلي و لكن كون عارف الحقيقة كون دبحت مهم نهار لي عرفتهم ( شوية و هوا يجي واحد خونا بطوموبيل كبيرة , ميرسيديس 207 ... نزل من الطوموبيل ... و ناري فيه القلدة ديال لبغل ,,, طويل و مفورمي ... من الشوفة عرفتو جبلي عايش غير فتامارة و النعاس , هبطت من الطوموبيل تميت غادي عندهم ... شافني قالهم واش هوا هادا ؟ حنززت فيه ... ولد القحبة طلع عايق , أنا كنت البس واحد النايك بيضة فرجلي دايرا 1200 درهم , غير شافها عينيه تفتحوا قالي اال موتي غادي ناخد ديك السبرديلة ... تما الركابي مبقاوش عندي , عالش أسيدي ربي ؟ هادشي كامل لي عشتوا و فاألخير طحت فناس فحال هادو رجعت فحالي للطوموبيل ... سولت سارة شكون هادا ؟ قاتلي مكنعرفوش , عاود قاتلي صاحبو ديال الواليد هاداك ... رجعوا لقرع و يوسف للطوموبيل و فرحانين كيضحكوا , أنا وصلت لواحد اللحظة بديت كنحس براسي هادشي غير تمثيلية طالعة عليا ... بقينا تابعين 207 و الطريييق طوالت والليل و أنا عيييت , شوية داتني عيني , مضرباتني الفيقة تا لقيت يوسف كيفيقني ... " أشرف نوض را وصلنا " نضت بزربة كان خصني نعرف راسي غير فين أنا ... نزلت لقيت غير واحد البرد فشكل و الصوت ديال نبيح لكالب و الدنيا كامال شجر ... أواااااه شنو جابنا لهاد لخال ؟ أنا فاألول منين قالو غادي نسافرو كان كيسحابليا غادي نمشوي لعند شي فقيه و ال ضريح فحال ديال بويا عمر ... صدقوا جايين بيا للبادية , حطيت رجلي و حلفت منرجع للور , ما بقالي منخسر , شنو باقي كثر من هادشي ؟ غير الموت ... حسن من هاد العداب كامل
